महामन्त्रीद्वय गगन थापा र विश्वप्रकाश शर्मा पक्षले बोलाएको विशेष महाधिवेशनको बन्दसत्र सुरु भएसँगै सभापति शेरबहादुर देउवा पक्षले थापा र शर्मासँग छलफल गर्न दुई नेतालाई जिम्मेवारी सुम्पिएको छ ।
सभापति देउवा निकट स्रोतका अनुसार कार्यवाहक सभापति पूर्णबहादुर खड्का र नेता रमेश लेखकलाई थापा र शर्मासँग संवाद र छलफलका लागि खटाइएको छ ।
खड्का र लेखकले थापा र शर्मालाई संवादका लागि पटक पटक पहल गरेपनि छलफल हुन नसकेको जनाइएको छ ।
भृकुटीमण्डपमा बन्दसत्र सुरु भइसकेको छ। बन्दसत्रमा सहभागी हुन महामन्त्री शर्मा महाधिवेशनस्थल पुगिसकेपनि थापा भने यो समाचार तयार पार्दासम्म पुगिसक्नु भएको छैन।
