काठमाडौँ - तनहुँको एक विद्यालयका प्रधानाध्यापक पक्राउ परेका छन् । घिरिङ गाउँपालिकाको चन्द्रज्योति माध्यमिक विद्यालयका विद्यार्थीलाई कुटपिट गरेको अभियोगमा प्रधानध्यापक प्रेम थापालाई प्रहरीले पक्राउ गरेको हो । छात्रावासमा बसेर एसईई परीक्षाको तयारी गरिरहेका ४२ जना विद्यार्थीले शर्त पालन नगरेको भन्दै थापाले उनीहरुमाथि कुटपिट गरेको आरोप लागेको छ । होस्टेलमा बसेर अध्ययन गर्दै आएकी भीमाद ४ बरडण्डाकी विद्यार्थी लिलामाया आलेलाई थापाको कुटपिटबाट घाइते भएकी थिइन् ।
आलेलाई लठ्ठीको चोट लागेको छ । तर थापाले भने राम्रोसँग पढ्नुभन्ने उद्देश्यले विद्यार्थीहरुलाई तर्साएको बुझिएको छ । होस्टेलमा बसेर अध्ययन गरिरहेका विद्यार्थीहरुले टेस्ट परीक्षामा सहि उत्तर नलेखेपछि सजायस्वरुप पिटेको बताइएको छ ।
