धरान - धरानमा उपमहानगरपालिकाका नवनिर्वाचित जनप्रतिनिधिहरूले पद तथा गोपनीयताको शपथ ग्रहण गरेका छन् । निर्वाचित भएका प्रमुख हर्कराज राईलाई जिल्ला निर्वाचन अधिकृतसमेत रहेका सुनसरी जिल्ला १ नम्बर न्यायाधीश कैलाश सुवेदीले इनरुवामा शपथ ग्रहण गराएका हुन्। प्रमुख राईले वडाध्यक्ष र सदस्यहरुलाई पद तथा गोपनीयताको शपथ ग्रहण गराएका छन्।
प्रमुख राईले आफू धरानका जनताको समस्या बोकेर हिँड्ने व्यक्ति भएकाले अब काम गर्ने ठाउँमा पुगेकाले धरान र जनताकोे हितमा काम गर्ने प्रतिबद्धता जनाए। धरानमा प्रमुख, उपप्रमुखसहित १०२ जना जनप्रतिनिधि निर्वाचित भएका छन् ।
नव निर्वाचित जनप्रतिनिधिहरूलाई निर्वाचन अधिकृत पुष्करराज नेपालले प्रमाणपत्र वितरण गरे ।
