काठमाडौं - गत वैशाख ३० गते भएको स्थानीय तहको निर्वाचनको मत परिणाम अनुसार महानगरपालिकाको प्रमुखमा “लौरो” निर्वाचन चिह्न भएका स्वतन्त्र उम्मेदवार वालेन्द्र साह(बालेन) भारी मतसहित विजयी भएको छ ।शाह ६१ हजार ७६७ मतसहित विजयी भएका हुन्।
काठमाडौंको मुख्य निर्वाचन अधिकृतको कार्यालय अनुसार बालेनका प्रतिस्पर्धी नेपाली कांग्रेसका सिर्जना सिंहले ३८ हजार ३४१ मत र नेकपा (एमाले) का केशव स्थापितले भने ३८ हजार ११७ मत प्राप्त गरेका जनाइएको छ।
यता, महानगर उपप्रमुखमा एमालेकी सुनिता डंगोल पनि फराकिलो मतान्तरसहित विजयी भएको छ । डंगोल ६८ हजार ६१२ मतसहित विजयी भएको हो । गठबन्धनतर्फका नेकपा (एकीकृत समाजवादी) उम्मेदवार रामेश्वर श्रेष्ठले २३ हजार ८०५ मत ल्याएका छन् ।
