काठमाडौँ - नेकपा एमालेमा आवद्ध राष्ट्रिय युवा संघ, नेपालले प्रधानमन्त्री पुष्पकमल दाहालको पुत्ला दहन गरेको छ ।
सरकारविरुद्ध उत्रिएका युवा संघ, नेपालका कार्यकर्ताले अयोग्य लडाकुलाई २ लाख रुपैयाँका दरले राहत दिने गरी ल्याएको कार्यविधि तत्काल खारेज गर्न माग गर्दै प्रधानमन्त्री दाहालको पत्ला दहन गरेका हुन् ।
उनीहरुले लडाकुको नाममा अर्बौ घोटला गर्न खोजेको भन्दै सरकारविरुद्ध चर्का नाराबाजी लगाएका थिए । अयोग्य लडाकुको नाममा राजनीतिक अभिष्ट पूरा गर्ने गरी ल्याइएको कार्यविधि तत्काल खारेज नगरे देशभर आन्दोलन गर्ने संघका अध्यक्ष क्षितिज थेबेले चेतावनी दिए ।
