काठमाण्डौँ -नेपाली कांग्रेस मधेस प्रदेश संसदीय दलको नेतामा प्रदेश सभापति कृष्णप्रसाद यादव विजयी भएका छन् । बिहीबार भएको संसदीय दलको निर्वाचनमा सभापति यादव भारी मतान्तरले दलको नेतामा निर्वाचित भएका हुन् । प्रदेश सभामा कांग्रेसका २२ सांसद रहेका छन् । त्यसमध्ये सभापति यादवले १८ मत ल्याएर दलको नेतामा निर्वाचित भएका हुन्। उनका प्रतिस्पर्धी प्रदेशका पूर्वमन्त्री रामसरोज यादवले चार मत मात्र ल्याए ।
यसअघि पार्टीको प्रदेश अधिवेशनमा पनि प्रदेश सभापतिमा पनि दुवैबीच प्रतिस्पर्धा हुँदा कृष्ण नै विजयी भएका थिए । पार्टी सभापति शेरबहादुर देउवानिकट रहेका प्रदेश सभापति यादवलाई दलका नेताका आकांक्षी पूर्वमन्त्री वीरेन्द्रप्रसाद सिंहसहितले सहयोग गरेका हुन् । पूर्वमन्त्री यादव नेता विमलेन्द्र निधिनिकट मानिन्छन् ।
