प्रधानमन्त्री केपी शर्मा ओलीले आज संसदमा विशेष सम्बोधन गर्ने भएका छन्। सांसदहरूसँग नियमित प्रश्नोत्तर अगाडि प्रधानमन्त्री ओलीले विशेष सम्बोधन गर्ने नेकपा एमालेका प्रमुख सचेतक महेश बर्तौलाले बताए ।
सम्बोधनमा मुख्यगरी सरकारको एक वर्ष, उपलब्धि, भइरहेका काम, वर्तमान राजनीतिक परिस्थिति र तथा प्रतिपक्षी दलका नेताले गर्नुभएको सम्बोधनको जवाफलगायत विषय केन्द्रित हुनेछन् ।
प्रतिनिधिसभाको बैठक आज बस्दैछ । दिउँसो एक बजे सङ्घीय संसद् भवन नयाँ बानेश्वरमा बस्ने बैठकमा प्रधानमन्त्री ओलीले सांसदहरुले सोध्ने प्रश्नको जवाफ दिने कार्यसूची पनि छ ।
