श्री माध्यामिक विद्यालय मरिण हायूटारले विधार्थीहरुलाई प्रयोगात्मक बनाउनको लागी हाटबजार कार्यक्रम संचालन गरेको छ ।
हाटबजारमा लगभग ४०० जना विधार्थीको उपस्थिती रहेको थियो भने पसल संचालनमा ५० जना विधार्थीहरु सहभागी रहेका थिए ।
शुक्रबारको दिन विद्यालयले उक्त कार्यक्रम संचालन गरेको प्रधानाध्यापक विजय कुमार थिङले जानाकारी दिनुभयो ।
विधार्थीहरुले फलफूल तथा तरकारी र अन्य सामग्रीहरु घरबाट नै ल्याएर प्रयोगात्मक अभ्यासमा संलग्न रहेका थिए ।
हाटबजार अभ्यासमा विधार्थीहरु निकै खुसी र उत्साहित देखिएका थिए । ग्राहक भने कतिपय अभिभावकको पनि सक्रियता रहेको थियो ।
सैदान्तिक रुपमा मात्र नभई प्रयोगात्मकमा पनि उत्तिकै अब्बल बनाउनको लागि उक्त कार्यक्रम राखेको प्रधानाध्यापक थिङले बताउनुभयो ।
