नेपाली कांग्रेसले माघ १६ गते मधेस सभा गर्ने भएको छ।
उक्त सभा जनकपुरमा हुनेछ।
कांग्रेस मधेस प्रदेश कार्यसमितिलाई परिचालन गरेर मधेस सभा गर्न लागिएको पार्टीका एक पदाधिकारीले जानकारी दिनुभयो ।
त्यसका लागि आजको केन्द्रीय समितिमा छलफल भई निर्णय गरिनेछ । कांग्रेसले चुनावकेन्द्रित सभाहरू गर्ने तयारी गरेको छ।
सभापति गगन थापासहित नेताहरू माघ ११ गते मधेस जानुहुने छ । १२ गते उहाँहरू सर्लाही पुग्नुहुने छ । सभापति थापा सर्लाही ४ मा उम्मेदवार हुनुहुन्छ।
विशेष महाधिवेशनबाट पुस ३० गते गगन थापा सभापतित्वमा नयाँ कार्यसमिति आएको थियो। उक्त कार्यसमितिका पदाधिकारीले आज पदबहाली गर्ने कार्यक्रम छ।
आज दिउँसो १ बजे केन्द्रीय कार्यालय सानेपामा केन्द्रीय समिति बैठक बस्दैछ।
यो केन्द्रीय समितिले भावी प्रधानमन्त्री उम्मेदवारमा सभापति थापालाई तोक्ने निर्णय गर्नेछ।
