नेपाली कांग्रेसका सभापति गगन थापाले अहिलेको कांग्रेससँग पहिलेका राम्रा कुरा सबै रहेपनि नराम्रा कुरा केही पनि बाँकी नरहेको दाबी गर्नु भएको छ । शुक्रबार सर्लाही–४ को चुनावी कार्यक्रममा बोल्दै सभापति थापाले मतदातालाई आश्वस्त पार्दै यस्तो बताउनु भएको हो ।
‘अहिलेको कांग्रेससँग हिजोको कांग्रेसका राम्रा कुरा सबै छन्। हिजोको सबै कुरा खराब हुँदैन । हिजोको सबै खराब हुने भए हाम्रो स्वास्थ्य खराब हुन्थ्यो । हाम्रा भगवान्, मन्दिर, मस्जित खराब हुनुपर्ने । हाम्रा पितापुर्खा खराब हुनुपर्ने । बालबालिका मात्रै राम्रा हुनुपर्ने,’ सभापति थापाले भने, ‘त्यसो होइन । हामीलाई हाम्रो राम्रा कुराको इतिहाससँग गौरव छ । त्यो हाम्रो परम्परा हो, संस्कृति हो ।’
हिजोका खराब कुरा मात्रै सबै छाडेको उहाँले । भन्नुभयो , ‘हिजोका खराब कुरालाई मात्रै छाड्ने हो । नयाँ समयको नयाँ मागलाई हेर्ने हो ।’
अहिलेको कांग्रेस त्यही कुरा मनन् गरेर आएको सभापति थापाले बताउनु भयो । ‘यो कांग्रेससँग पाँच वर्षको योजना छ, सोच छ, देश बदल्ने । हिजोका गल्ती कमजोरी यो कांग्रेसले दोहोर्याउँदैन,’ उहाँले भन्नुभयो । यसक्रममा भ्रष्टाचार, कुशासन अन्त्य गरेर वर्षौँसम्म गर्छु भनेर गर्न नसकेका कामहरू पूरा गर्ने उहाँले बताउनु भयो ।
