न्यूजील्याण्डले अमेरिकी राष्ट्रपति डोनाल्ड ट्रम्पको शान्ति बोर्डमा सामेल हुन अस्वीकार गरेको छ। न्युजिल्याण्डका प्रधानमन्त्री क्रिस्टोफर लक्सनले शुक्रबार एक विज्ञप्ति जारी गर्दै यसबारे जानकारी दिनु भएको छ ।
समाचार एजेन्सी रोयटर्सका अनुसार क्रिस्टोफर लक्सनले इमेल गरिएको विज्ञप्तिमा भन्नुभएको छ ,'हामीले हालको रूपमा शान्ति बोर्डमा सामेल नहुने निर्णय गरेका छौं।'
अमेरिकी राष्ट्रपति डोनाल्ड ट्रम्पले गाजाका लागि 'बोर्ड अफ पिस' नामक संस्था गठन गर्नु भएको छ । बृहत् शान्ति पहलको एक भागको रूपमा गाजामा शासन,पुनर्निर्माण र लगानीको निरीक्षण गर्न बोर्ड सिर्जना गरिएको हो।
ट्रम्पले धेरै देशका नेताहरूलाई यस बोर्डमा सामेल हुन आमन्त्रित गर्नु भएको छ । टर्की, इजिप्ट, साउदी अरेबिया र कतार जस्ता मध्यपूर्वी देशहरू, साथै इन्डोनेसिया र पाकिस्तान पनि शान्ति बोर्डमा सामेल भएका छन्।
भारतलाई पनि यसमा सामेल हुन आमन्त्रित गरिएको छ। तर, भारत यसमा सामेल भएको छैन।
