नेपाल प्रिमियर लिग (एनपीएल) दोस्रो संस्करणको पाँचौँ खेलमा ब्याटिङ गरिरहेको चितवन राइनोजबाट मध्यक्रम ब्याटर रवि बोपाराले अर्धशतक बनाएका छन् । प्रतियोगितामा दोस्रो खेल खेलिरहेको चितवनबाट बोपाराको यो लगातार दोस्रो अर्धशतक हो ।
क्रिकेट मैदानमा हुने खेलका निम्ति भएको टस हारेर ब्याटिङमा आएको चितवनबाट बोपाराले ४५ बलमा चार चौका र दुई छक्कासहित ५० रन पूरा गरेका छन् । एनपीएलमा सबैभन्दा धेरै अर्धशतक बनाउने खेलाडीसमेत रहेका बोपाराको समग्रमा यो पाँचौँ अर्धशतक हो ।
