नेपाली बजारमा आज आइतबार पनि सुनको मूल्यले रेकर्ड बनाएको छ । शुक्रबारको तुलनामा आज प्रतितोला सुन रु दुई हजार ४०० र चाँदी रु दुई सय ९० ले बढेको छ ।
नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य रु तीन लाख तीन हजार ८०० त्यति नै चाँदीको मोल छ हजार ४८० कायम भएको छ ।
गत शुक्रबार एक तोला छापावाल सुनको मूल्य रु तीन लाख एक हजार ४०० र त्यति नै चाँदीको मोल रु छ हजार १९० कायम भएको थियो ।
अन्तर्राष्ट्रिय बजारमा सुनको मूल्यमा भएको वृद्धिले नेपाली बजारमा पनि मूल्यमा उछाल आएको हो । आज अन्तर्राष्ट्रिय बजारमा सुनको मूल्य प्रति औंस करिब ४ हजार ९३० अमेरिकी डलरमा कारोबार भइरहेको छ ।
