काठमाडौँ - बिहीबार रेकर्ड बनाएको सुनको भाउमा शुक्रबार भने गिरावट आएको छ । नेपाल सुनचाँदी व्यवसायी महासंघकाअनुसार बिहीबार प्रतितोला एक लाख ६ हजार ९ सय रुपैयाँमा कारोबार भएको छापावाल सुन शुक्रबार १ हजार १ सय रुपैयाँले घटेको हो । यो दिन छापावाल सुनलाई प्रतितोला १ लाख ५ हजार ८ सय रुपैयाँ पर्नेछ ।
तेजावी सुनलाई आज १ लाख ५ हजार ३ सय रुपैयाँ पर्नेछ । यसअघि भने १ लाख ६ हजार ४ सय रुपैयाँमा कारोबार भएको थियो । यता, चाँदीको भाउ भने स्थिर नै रहेको महासंघले जनाएको छ । आज चाँदी प्रतितोला १ हजार ३८० रुपैयाँमा कारोबार गर्न सकिनेछ ।
