काठमाण्डौँ - बिपिडब्लु लघुवित्त वित्तीय संस्था लिमिटेडले आज माघ २२ गतेदेखि वैदेशिक रोजगारीमा गएका नेपालीहरुका लागि आईपिओ निष्काशन तथा बिक्रि खुल्ला गरेको छ । संस्थाको आईपीओमा सर्वसाधारणले भने फागुन १८ गतेदेखि मात्र आवेदन दिन पाउनेछन् । लघुवित्तले आफ्नो जारी पूँजी ३ करोड रुपैयाँको ३२.३३ प्रतिशतले हुन आउने ९७ लाख रुपैयाँ बराबरको प्रतिशेयर १०० रुपैयाँ अंकित मूल्यका ९७ हजार कित्ता शेयर निष्काशन गर्न लागेको हो ।
सोमध्ये ९ हजार ७०० कित्ता शेयर वैदेशिक रोजगारीमा रहेका नेपालीहरुलाई निष्काशन गर्न लागेको हो भने १ हजार ५०० कित्ता शेयर कर्मचारीहरु तथा ४ हजार ८५० कित्ता सामूहिक लगानी कोषका लागि सुरक्षित गरिएको छ । सर्वसाधारणले बाँकी रहेको ८० हजार ९५० कित्ता शेयरका लागि आवेदन दिन सक्नेछन् ।
