जल तथा मौसम विज्ञान विभाग, बाढी पूर्वानुमान महाशाखाले पाँच जिल्ला बाँके, बर्दिया, कैलाली, कन्चनपुर, डडेलधुरा आसपास भई बहने नदीहरूमा आकस्मिक बाढीको जोखिम उच्च रहेको बताएको छ।
आज महाकाली र यसका सहायक नदीहरुमा जल सतह बढ्ने र सतर्कता तह पुग्न सक्ने अनुमान महाशाखाले गरेको हो । त्यस्तै अन्य नदीहरु दाङ,बाजुरा,बझाङ,डोटी,बैतडी,दोलखा र आसपासका नदीहरुमा उच्च बहाबको जोखिम रहेको जानकारी दिएको छ।
महाशाखाले बर्षाका कारण बाढी आउने र कमजोर भिरालो जमिनमा पहिरोको जोखिम हुन सक्ने भन्दै सतर्कता रहन आग्रह गरेको छ। त्यस्तै आज बागमती, गण्डकी, लुम्बिनी, कर्णाली र सुदूरपश्चिम प्रदेशका विभिन्न ठाऊमा भारी बर्षाको सम्भावना रहेको जानकारी दिएको छ।
