काठमाडौंबाट पोखरा जाँदै गरेको बस धादिङमा दुर्घटना हुँदा आठ जनाको मृत्यु भएको छ । प्रदेश ३–०१–००५ ख ९९५२ नम्बरको बस बुधबार बिहान पृथ्वी राजमार्गको गजुरी नजिकै त्रिशूली नदीमा खसेको हो ।
जिल्ला प्रहरी कार्यालयका प्रहरी प्रमुखका अनुसार अहिलेसम्म आठ जनाको शव निकालिएको छ । साथै १७ जनाको जीवितै उद्धार गरिएको छ ।
बस दुर्घटनाका घाइते सबैलाई उपचारका लागि गजुरी अस्पताल लगिएको छ । बसमा कति यात्रु थिए भन्ने यकिन नभएकाले विस्तृत विवरण आउन बाँकी छ ।
Copyright © All right reserved to grihasanchar.com Site By: SobizTrend
