राजावादीको प्रर्दशनस्थल तीनकुने पुगेका प्रदर्शनकारी र प्रहरी बीच झडप भएको थियो । प्रहरीले प्रदर्शनका लागि तीनकुनेमा छुट्टै स्थान तोकेको थियो । तर, उनीहरू प्रहरीले निषेध गरेको क्षेत्र तोडेर बानेश्वरतर्फ जान खोजेपछि प्रहरीले बल प्रयोग गरेका थिए। काठमाडौंको तीनकुनेमा राजावादीहरूले व्यक्तिका घरको सिसा छियाछिया हुनेगरी फुटाएका छन् । राजसंस्था पुनस्थापनासहितको माग गरेका राजावादी प्रदर्शनकारीहरूले ढुंगा प्रहार गरेर घरका सिसा फुटाएका हुन् । उग्र बनेका राजावादीहरूले तीनकुनेमा एउटा घरमा आगो लगाएका छन्। त्यसको प्रभाबले अरु घरलाई असर पुगेको छ । राजवादीको प्रदर्शनमा प्रहरीले अश्रुग्यास प्रहार गरेपछि आन्दोलनकारी थप आक्रोशित बनेका हुन् । राजावादीहरू आक्रोशित भएको कारणले प्रहरीले आन्दोलन कम गर्न गोलि प्रहार गरेका हुन । गोलि प्रहार गर्दा तीन जानलाई लागेको छ। अहिले तीनकुने क्षेत्र तनावग्रस्त बनेको छ। अहिले पनि त्यहाँ प्रदर्शनकारीले ढुंगा प्रहार गरिरहेका छन् । राजावादी समर्थकहरू झनै उच्छृंखल बनेका हुन् ।
असोज ३० गते २०८३ || October 16, 2026
