तनहुँको भानुमा बस दुर्घटना भएको छ । शुक्रबार जिल्लाको भानु नगरपालिका १ अधेरी खोला नजिक बस पल्टिएको इलाका प्रहरी कार्यालय भानुका प्रमुख दीपक कुँवरले जानकारी दिनुभयो ।
उहाँका अनुसार बस दुर्घटनामा परी १५ जना यात्रु घाइते भएका छन् । जसमध्ये दुई जना गम्भीर घाइते र दुई जनाको अवस्था मध्यम रहेको छ । अन्य ११ जनाको अवस्था सामान्य रहेको इलाका प्रहरी कार्यालय भानुले जनाएको छ । ।
चितवनको नारायणगढबाट लम्जुङको बेँसीसहर तर्फ जाँदै गरेको ग. १ ख. ६४९८ नम्बरको बस शुक्रबार दिउँसो ४ः२५ बजेको समयमा दुर्घटना भएको प्रमुख कुँवरले बताउनुभयो । बसका चालक भने फरार रहेका छन् ।
