चक्कु प्रहार गरी ससुराको हत्या गरेको आरोपमा प्रहरीले ज्वाइँलाई पक्राउ गरेको छ ।
जनकपुरधाम उपमहानगरपालिका–१५ का ६५ वर्षीय वासुदेव प्रसाद साहको हत्या आरोपमा वडा नम्बर २१ मा बस्ने ५५ वर्षीय ज्वाइँ बेचन महासेठलाई प्रहरीले बुधबार सार्वजनिक गरेको हो ।
असार १८ गते वासुदेवकै घरमा बेचनले चक्कु प्रहार गरी हत्या गरेर फरार भएका थिए । उनीहरूको घरायसी विवादकै कारण हत्या गरिएको धनुषाका एसपी नरहरि रेग्मीले जानकारी दिए ।
मृतक परिवारका अनुसार ज्वाइँ बेचनले बारम्बार पैसा मागिरहेका थिए। पैसाका कारण उनीहरूबिच विवाद भएको थियो। ससुरा वासुदेवले जिल्ला प्रहरी कार्यालयमा शान्ति सुरक्षा निवेदन समेत दिएका थिए । पैसा नदिएकै कारण ज्वाइँले बेचनको हत्या गरेका थिए।
