काठमाडौँ - मंसिर महिनाको तुलनामा पुस महिनामा घरजग्गाको कारोबार बढेको देखिएको छ । भूमि व्यवस्थापन तथा अभिलेख विभागको तथ्यांकअनुसार पुस महिनामा ३८ हजार ८७१ वटा घरजग्गाको लिखत पास भएको छ । मंसिर महिनामा २९ हजार १८४ वटा लिखत पास भएको थियो ।
घरजग्गा कारोबार बढेसँगै सरकारले पाउने राजस्व समेत बढेको छ । पुस महिनामा मात्र सरकारले तीन अर्ब ७१ करोड रूपैयाँ घरजग्गाको कारोबारबाट राजस्व संकलन गरेको छ । मंसिर महिनामा दुई अर्ब ६४ करोड रूपैयाँ राजस्व संकलन भएको थियो । बैंक तथा वित्तीय संस्थाको ब्याजदर बढ्न रोकिएको तथा स्थानीय तहले कित्ताकाट खुलाउँदै गएकोले पुस महिनामा घरजग्गा कारोबार बढेको हो ।
