सरकारले जेनजी आन्दोलनका घाइतेहरूको उपचार र सहजीकरणका लागि विशेष 'हेल्पडेस्क' स्थापना गर्ने निर्णय गरेको छ । आज बसेको मन्त्रिपरिषद्को बैठकले घाइतेहरूको उपचार प्रबन्धलाई सहज बनाउन हेल्पडेस्क सञ्चालन गर्ने निर्णय गरेको शिक्षामन्त्री महावीर पुनले जानकारी दिएका छन् ।
हेल्पडेस्क चार महिनासम्म सञ्चालनमा रहनेछ । हेल्पडेस्कमा काम गर्नका लागि १० जना स्वयंसेवक खटाइनेछ । स्वयंसेवकहरूलाई मासिक १५ हजार रुपैयाँ पारिश्रमिक उपलब्ध गराइने निर्णय मन्त्रिपरिषद्ले गरेको छ ।
