काठमाण्डौ - चर्चित गायक धर्मेन्द्र सेवानको नयाँ गीतको म्युजिक भिडियो सार्वजनिक भएको छ । गायक सेवानले आफ्नै अफिसियल युटुब च्यानलमार्फत सो भिडियो सार्वजनिक गरेका हुन् ।
धन माया परियारको शब्द, संगीत रहेको ‘एैयो रैयो सैयो’ बोलको गीतमा गायक धर्मेन्द्र स्वयमले स्वर भरेका छन् । उक्त सार्वजनिक रमाईलो झ्याऊरे गीतको भिडियोमा धमेन्द्रलाई अभिनेत्री नम्रता सापकोटाको अभिनय देख्न सकिन्छ।
सो म्युजिक भिडियोमा सहयोगको नाममा दृष्टीविहिनको नाटक प्रेम अभियानमार्फत प्रस्तुत गरेका छन् । भिडियोमा जानुका थापा मगर, सुभम भुजेल, पबन बस्नेत काजी लगाएतको पनि अभिनय रहेको छ।
सुभम भुजेलको कोरियोग्राफी रहेको भिडियोलाई सञ्जित श्रेष्ठले छायाँकन गरेका छन् । त्यस्तै, यस रमाइलो भिडियोलाई बिजेश पौडेलले निर्देशन तथा सम्पादन गरेका हुन् ।
